“یەکێتیی داوای کردووە لە سەرۆکایەتیی ھەرێم لەگەڵ پارتی کۆ ببنەوە”

ئاژانس

بە وتەی سەرچاوەیەکی باڵای پارتی دیموکراتی کوردستان، یەکێتیی داوای کردووە کۆبوونەوەی داھاتوویان لەگەڵ ئەو حزبە لە سەرۆکایەتیی ھەرێمی کوردستان بێت و دەشڵێت: “خاڵی ھاوبەشی نێوانمان زۆر زیاترە لە گرفتەکان.”

ئەندامێکی مەکتەبی سیاسیی پارتی، کە نەیویست ناوی ئاشکرا بکەین بۆ “ئاژانس” وتی: “یەکێتیی داوای کردووە لە دیوانی سەرۆکایەتیی ھەرێم کۆبوونەوەکە ئەنجام بدرێت، ئێمەش بەم نزیکانە لەسەر شوێن و کاتی کۆبوونەوەکان مەکتەبی پەیوەندییەکانی یەکێتیی لە ھەولێر ئاگادار دەکەینەوە”.

وتیشی: “کۆبوونەوەی نێوان یەکێتیی و پارتی گرنگە بۆ چارەسەری کێشەکان، کە خاڵی ھاوبەشی نێوانمان زۆر زیاترە لە ھەندێک گرفت کە نەتوانین لەسەری ڕێککەوتن بکەین، بۆیە ھیوامان بە کۆبوونەوەی داھاتوو ھەیە.”